Саннар19:1—22

19  Йәһвә Муса белән Һарунга тагын болай диде: ²  «Йәһвә үтәргә боерган канун менә шундый: „Исраиллеләргә камыт кидерелмәгән кимчелексеза кызыл сыер алып килергә куш. ³  Аны Илгаза́р руханига бир. Ул аны тукталу урыныннан читкә алып чыксын, һәм аны Илгазар алдында чалсыннар. ⁴  Аннары Илгазар рухани аның берникадәр канын бармагы белән алып, аны очрашу чатырының керү урынына таба җиде мәртәбә бөркесен.ә ⁵  Аннан соң сыерны аның күз алдында яндырсыннар. Тиресе, ите, каны, тизәге белән бергә яндырылсын.б ⁶  Рухани эрбет агачы ботагы, иссоп үсемлегев һәм ачык кызыл төстәге җеп алып, аларны сыер янган утка ташласын. ⁷  Шуннан соң рухани киемнәрен юсын һәм юынсын. Аннары ул тукталу урынына керә ала, ләкин кичкә кадәр нәҗес булыр.⁸  Сыерны яндырган кеше үз киемнәрен юсын һәм юынсын, ул кичкә кадәр нәҗес булыр.⁹  Чиста бер кеше сыерның көлен җыеп,г аны тукталу урыныннан читтә чиста урынга салсын. Бу көлне Исраи́л җәмгыятен сафландыру өчен кулланылачак суны әзерләү өчен сакласын.д Бу — гөнаһ йолу корбаны. ¹⁰  Сыерның көлен җыйган кеше үз киемнәрен юсын һәм кичкә кадәр нәҗес булыр.Исраиллеләр өчен һәм араларында яшәүче чит ил кешеләре өчен гасырларга бирелгән кагыйдә менә шундый:е ¹¹  мәеткә* кагылган кеше җиде көн нәҗес булыр.ж ¹²  Андый кеше өченче көнне шул су* белән чистарынсын, һәм җиденче көнне ул чиста булыр. Ләкин өченче көнне чистарынмаса, җиденче көнне ул чиста булмас. ¹³  Үле кешенең мәетенә* кагылган һәм чистарынмаган һәркем Йәһвә чатырын нәҗесли.з Андый кеше* Исраилдән юк ителергә тиеш.и Сафландыру суык аңа сибелмәгәнгә, ул нәҗес булып кала. Ул һаман да нәҗес.¹⁴  Чатырда кеше үлсә, мондый канун кулланылсын: ул чатырга кергән һәр кеше һәм ул чатырда инде булган һәр кеше җиде көн нәҗес булыр. ¹⁵  Бәйләп куелган капкачы белән ябылмаган һәр савыт нәҗес.л ¹⁶  Моннан тыш кырда мәеткә, я кылыч белән үтерелгән кешегә, я кешенең сөягенә, я кабергә кагылган һәркем җиде көн нәҗес булыр.м ¹⁷  Нәҗес кешене чистартыр өчен, яндырылган гөнаһ йолу корбанының бераз көлен берәр савытка салып, анда чишмә суы салырга кирәк. ¹⁸  Аннары берәр чиста кешен иссоп үсемлегено алып, аны шул суга мансын һәм чатырга, анда булган бөтен савытларга һәм кешеләргә,* шулай ук сөяккә, я үтерелгән кешегә, я мәеткә, я кабергә кагылган кешегә сипсен. ¹⁹  Бу чиста кеше аны нәҗес кешегә өченче көнне һәм җиденче көнне сипсен һәм аны гөнаһыннан җиденче көнне чистартсын.ө Аннары теге кеше үз киемен юсын, юынсын һәм кич белән чиста булыр.²⁰  Әмма нәҗес кеше үзен чистартмаса, ул кеше* җыелыштан юк ителсен,п чөнки ул Йәһвәнең чатырын нәҗесли. Аңа сафландыру суы сибелмәде, шуңа күрә ул нәҗес.²¹  Алар өчен гасырларга бирелгән кагыйдә мондый: сафландыру суы сипкән кешер дә үз киемен юсын, һәм сафландыру суына кагылган һәр кеше кичкә кадәр нәҗес булыр. ²²  Нәҗес кеше кагылган һәрнәрсә нәҗес булыр, һәм андый нәрсәгә кагылган кеше* дә кичкә кадәр нәҗес булыр“».